Zoezi la kufukua miili iliyofunikwa na
kifusi baada ya gengo la gorofa 16 kubomoka siku ya tarehe 29, Machi
2013 katika mtaa wa Indira Gandhi jijini Dar es salaam, imemalizika
hii leo huku miili iliyopatika katika kifusi hicho ikifikia watu 34
Takwimu hizo zimetolewa na Mkuu wa Mkoa
wa Dar es salaam, ambaye pia ni Mwenyekiti wa kamati ya Ulinzi na
usalama wa mkoa, Mhe. Mecky Sadiki. Sadiki ametoa takimu hiyo wakati
akiongea na waandishi wa habari
“ Idadi tuliyo itoa yawatu waliuwawa
katika jengo hili ni 34, huku waliookolewa ni watu 18 ambapo kati
yao, 14 tayari wametibiwa na kuruhusiwa kwenda nyumbani huku wengine
4 bado wanapewa matibabu katika hispitali ya taifa Muhimbili”
Amesema Sadiki
Hii leo kuna vichwa viwili vya binadamu vimetolewa kwenye kifusi hicho, ambapo Mhe. Mecky Sadiki amesema wanawaachia madaktari kwa uchunguzi zaidi ilikuweza kuwatambua watu hao
Aidha, Kamanda wa Polisi wa Kanda
maalum Suleiman Kova amesema kuwa idadai ya watu wanaoshikiliwa kwa
kuhusika na kuanguka kwa jengo hilo imefikia watu tisa baada ya mtu
mwingine kukamatwa na kuongezwa katika orodha ya watuhumiwa. Amesema
Kamanda Kova
EmoticonEmoticon