WALIOGUSHI VYETI SERIKALINI SASA KUBAINIKA, UHAKIKI MPYA WA WATUMISHI HEWA



Serikali inatarajia kuendesha zoezi la uhakiki wa Watumishi wa umma kote nchini kwa siku 14 kwa kutumia mfumo wa kielektroniki ili kuondoa watumishi hewa na wenye utambulisho danganyifu.

Akiongea na waandishi wa habari hii leo jijini Dar es salaam, Waziri wa nchi Ofisi ya Rais menejmenti ya utumishi wa umma na utawala bora Mhe. Angela Kairuki amesema zoezi hilo litahusisha uchukuwaji wa alama za vidole, vyeti vya elimu, cheti cha kuzaliwa na hati ya malipo ya mshahara, Hati ya kusafiria, kadi ya mpiga kura na Kitambulisho cha Kazi.

Mhe. Kairuki amesema lengo nikuuimarisha mifumo ya usimamizi wa raslimaliwatu na mishahara kwakutumia kanzi data ya utambulisho wa Taifa ambapombo zoezi hilo litaendeshwa na mamlatka ya vimbulishi vya taifa na kwamba zoezi hilo litaanza Octoba 3.2016.

Tuna watumishi wa serikali Laki 5 na elfu 61 lakini uhakiki huu utatupa fursa ya kuwatambua zaidi watumishi wetu na zoezi hili litausisha watumishi waote wakiwepo Polisi lakini upande wa Majeshi (JWTZ) wao wataandaliwa utaratibu wao wakati mwingine” , amesema

Aidha Mhe Kairuki amewataka Watumishi kote nchini katika Wizara mbalimbali, Idara za serikali zinazojitegemea, Tawala za Mikoa na mamlaka za serikali za mitaa, Wakala za Serikali, Taasisi na mashirika ya Umma ambapo zoezi zitahusisha na watrumishi wa serikali kwa upende wa Zanzibar.

Naye Kaimu Mkurugenzi wa TEHAMA kutoka Mamlaka ya Vitambulisho vya Taifa NIDA Bwana Mohamed Hamisi amesema tayari wameandaa watumishi 400 kwaajili ya zoezi hilo kwa nchi nzima ambapo BVR zaidi ya 5000 zitatumika.






TANZANIA KINARA KWA BIASHARA HARAMU YA BINADAMU DUNIANI


Nchi ya  Tanzania imetajwa kuwa miongoni mwa mataifa yanayoshamiri  kwa biashara haramu ya kusafirisha binadamu kwa ajili ya utumwa wa ngono duniani.

Hayo yamelezwa leo jijini Dar es Salaam na Katibu wa Sekretarieti ya Kitaifa ya kuzuia na kupambana na biashara haramu ya bianadamu kutoka Wizara ya Mambo ya Ndani ya nchi, Bw. Separatus Fella alipokuwa akiongea katika mkutano uliondaliwa na shirka la kimataifa la msaada wa sheria (NOLA) kwa lengo la kutoa elimu juu ya mdahara ya kusafirisha watoto.

"Tanzania ni kusudio,mkondo na chanzo cha usafirishaji wa wanawake na watoto wanaopelekwa kwenye biashara ya utumwa wa ngono katika mataifa mengine, na hii ni kwa mujibu wa tafiti zilizofanywa nchini Marekani"

Bw. Fella amesema wasafirishaji binadamu wamekuwa wakitumia Tanzania kama chanzo cha kupitisha na kupata watoto wanawake wakufanya biashara hiyo na kuwa serikali itaandaa takwimu za watu walioathirika na usafirishaji huo.

WAZIRI WA ELIMU ATAKA VETA KUUNGANA NA COSTECH


WAZIRI wa Elimu, Sayansi, Teknolojia na Mafunzo ya Ufundi, Prof. Joyce Ndalichako amesema kwa mwaka huu wa fedha, wamejipanga kuhakikisha wanafufua karakana zilizopo na kuhakikisha zinaendana na matakwa ya serikali ya Viwanda.

Akizungumza wakati alipotembelea katika banda la VETA, Ndalichako alisema pamoja na kufufua karakana zilizopo Veta pia wataongeza wigo wa kuhakikisha zinakuwa nyingi na kuboreshwa.

Alisema kazi inayofanywa na VETA ni kubwa ila tatizo lipo kwenye kujitangaza ili kuweza kuuza bidhaa zao.
"Kazi wanayofanya Veta ni kubwa, lakini changamoto ipo kwenye kujitangaza, bado hawajajitangaza katika kutoa huduma zao. Hivyo tutashirikiana na Costech ili kuendeleza VETA na kupunguza kuagiza vitu kutoka nje ya Nchi," alisema.

Ndalichako alisema tatizo linalosababisha la Veta kuwa chache ni gharama zake kwani jengo moja linagharimu bil. 9, hivyo wameshawaagiza Veta kupitia upya gharama kwa viwango tofauti tofauti ili kupata Veta nyingi.

TECHNO YAJA NA SMARTPHONE YA CAMON 9, WATEJA 100 WA MWANZO WAZIGOMBANIA

 Kampuni ya simu ya Tecno yazindua Smartphone ya Camon 9 nchini Tanzania 

• Ina kamera yenye uwezo wa mega pixel 13 

•Yaja na  ofa ya GB 10 kutoka kampuni ya simu ya Vodacom kwa muda wa mwezi moja.


Meneja wa mauzo wa TECHNO Bw Fred Kadilana akielezea ubora wa CAMON c9


ASILIMIA 80 YA WATOTO HUPOTEZA MAISHA KWA SARATANI YA JICHO NCHINI TANZANIA




Asilimia 80  ya watoto wenye umri kati ya mwaka 1 hadi 5 wanaougua saratani ya jicho nchini Tanzania hupoteza maisha kila mwaka kutokana na kuchelewa kupata matibabu ya ugonjwa huo..


Taarifa iliyotolewa kwa vyombo vya habari na Daktari bingwa wa saratani kutoka hosptali ya taifa Muhimbili Dr. Anna Sanyiwa amesema, bado jamii na wauguzi wa afya ngazi ya mkoa na zahanati awana ufahamu juu ya ugonjwa huo suala ambalo linapeleka waathirika wa ugonjwa huo kuchelewa kupata matibabu na baadae kuwa na upofu au kupoteza maisha..

"Takribani watoto 150 kwa mwaka hupatikana na tatizo hili, asilimia 70 hadi 80 kati yao hupoteza maisha kwa kuchelewa kupata uduma kutokana na uelewa mdogo wa ugonjwa huo" amesema Dr. Sanyiwa

Saratani ya jicho  hutokea kwenye macho yote mawili au kijo moja, ambapo dalili za awali za ugonjwa huo nikuwepo kwa weupe kwenye mboni ya jicho na kwamba ni rahisi kwa familia moja kuwa na watoto wenye ugonjwa huo kwani saratani ya jicho ni miongoni mwa magonjwa yanayo tokana na hitilafu kwenye vinasaba..

WASHINDI WA FAIDIKA NA AMANA BANK WAKABIDHIWA ZAWADI ZAO



KATIKA kuadhimisha kilele cha kampeni ya faidika na amana bank, benki hiyo imewazawadia wateja wake waliobahatika kushinda zawadi mbalimbali kutokana na kujiwekea akiba zao  katika benki ya amana ambapo makabidhiano hayo yamefanyika leo Jijini Dare s salaam kwenye maonesho ya viwanja vya sabasaba ndani ya banda la benki hiyo.




Kampeni hiyo iliyojumuisha wateja wa akaunti binafsi kujiwekea akiba katika akaunti zao kuanzia kiasi cha shilingi laki tano na kundelea kwa muda wa miezi mitatu na kuweza kupata nafasi ya kujishindia zawadi za vifaa vya matumizi a nyumbani kama luninga, jokofu na nyinginezo.





Akizungumza na waandishi wa habari mara baada ya kukabidhi zawadi hizo mkurugenzi wa benki ya amana Dokta Muhsin Masoud amesema kuwa zawadi zilizotolewa leo kwa wateja zimegharimu kiai cha shilingi milioni tano na kuongeza kuwa benki itaendelea kuwafikia wateja wake kila siku na kuwapatia watanzania wote huduma bora zenye ubunifu na zenye tija kufuatana na mahitaji yao ili kuwapa faida iliyohalali na kuwaondoa katika mzigo wa riba.

Nao baadhi ya washindi waliojishindia zawadi wameipongeza benki ya amana kwa kuw karibu na wateja wake na kuiomba iendelee kuonesha ushirikiano huo mzuri kwa watumiaji wote wa benki hiyo.

NANI MWENYE HAKI YA KUSHIKA SIMU YA MPENZI WAKE?? KATI YA HAWA WAWILI??

Kundi la kwanza ni ~ Wanandoa ambao tayari ni mume na mke au wanaishi pamoja kama wanafamilia.

Kundi la Pili ni ~ Walio kwenye Uchumba ambao hawaishi pamoja au hawaja oana lakini wanatarajia kuingia katika ndoa.

                  Swali langu katiya makundi hayo mawili ni kundi lipi linauhalali wa kuwa huru na simu ya mkononi ya mpenzi wake, bila kujali kama ni mwana mke au mwanaume.

Swala la simu miongoni mwa wapenzi huwa lina utata na matatizo mengi, Campasvision imefanya utafiti katiya makundi hayo mawili kwa kuuliza maswali baada ya kubaini kuwa kuna kundi moja linaamini lina uhalali wa kuwa huru na simu ya mpenzi wake, huku kundi lingine likidai akuna uhalali wakuwa huru na simu ya mpenzi wako kwa sababu tofauti tofauti ambazo walizitaja 

Tukianza na kundi la kwanza ambalo kila mtu anamtegemea mwenzake, yani mume na mke kwani nikama familia au umoja wenye mambo mengi yanayo fanyika kwa pamoja na kuwa jumuisha pamoja, tusema nifamilia pengine yaweza kuwa na watoto au lah.

Wengi wa watu niliofanya nao mahojiano katika kundi hili ambao wote walikuwa walio oa na kuolewa, kundi hili walisisitiza juu ya kuwa huru na simu ya mwenza wako kwa sababu nyingi na zilizo kuwa na msingi kabisaa, 

Hakuna aliye kuwa na sababu ya kwa nini mke wake au mume wake asishike simu yake, aidha kwa idhini au bila idhini kutokana na kuwa tayari wao nifamilia moja mipaka kama hiyo aijengi familia. Na endapo kutakuwa na mtu anamkatazia mke au mume wake kushika simu yake ya mkononi basi siyo mwaminifu katika mapenzi yake na kwakuwa simu ndio mficha siri zetu basi wengi wanahofia kuumbuka, ilikuji ficha basi anaamua kuwa mkali kwenye simu yake.

Kundi la Pili ni la wale wachumba ambao wanatarajia kuingia katika ndoa, ila bado kila mtu anakaa peke yake au anakaa na wazazi wake. majibu niliyo pata toka kwenye kundi hili kwa wasichana na wavulana halikuwa la moja kwa moja, kwamba ninani mwenye uhalali wa kushika simu ya mwenza wake kati ya kundi la kwanza au kundi la pili

Wengi wa kundi hili waliwajibia waliokwenye ndoa kuwa ndio wanastahili kushika simu ya mwenziwake. Lakini miongoni mwao hawakuwa tayari kusema kama wanaona uhalali wa kushika simu za wapenzi wao, na hawa walikuwa wasichana kwa wavulana ambao bado wako kwenye uchumba

Nilicho kibaini ambao ni utofauti wa makundi haya mawili nikwamba, Kundi la kwanza tayari limeshajiwekea malengo na uhakika wa mahusiano yao lakini kundi la Pili bado hawana msimamo na malengo kwenye mahusiaono yao ndio maana wakashindwa kutoa jibu la moja kwa moja, na swala la kushika simu za wapenzi wao au mpenzi kushika simu yake ilikuwa kasumba kubwa naamini bado hawajawa waaminifu na msimamo wa mahusiano yao

Kitu cha msingi ambacho kila mtu anatakiwa kujua anapokuwa katika mahusiano, nijukumu la kulinda penzi na kuwajibika kwa mwenza wake bila kujali wewe ni mume/mke au wewe ni mchumba tu, kwani hakuna anaye ingia katika maisha ya ndoa bila kuanzia katika uchumba.

Kwa mtu ambaye ni mwaminifu hakuna sababu ya wewe kuficha simu au kuzima simu hata kuweka password na vikwazo vingine ambavyo vinapelekea kuweka mipaka kati ya wapenzi wetu, kumbuka kwamba kuwa muwazi katika mambo yako hujenga mahusianao na kuleta uaminifu kati yenu.

kulingana na mada yetu hakuna asiye kuwa na uhalali wakushika simu ya mwenzi wake kama tayari umeamua kuwa huyu ni wangu wa maisha, hasa kwa wale walioko kwenye ndoa. si vyema kumkataza mwenza wako kushika simu yako na kama hili nitatizo ambalo unahisi linakukera sana pale mpenzi wako anaposhika simu yako au pale anapokukataza kushika simu yake. kila kitu kina sababu na maana yake ni bora kuzungumza ilikuweka mambo sawa 

Kikubwa cha kufanya nikupunguza mabavu na maamuzi ambayo yanaegemea upande wako bila kujali mwenzako anajisikiaje au atanielewaje katika hili swala... kuwajibika katika kulinda mahusiano kwa kila namna ni jukumu la kila mmoja wenu. Tuwe watu wakuweka vitu wazi na kusisitiza uhaminifu miongoni mwenu

Kategori

Kategori