Watanzania asilimia 70%
ambao hawajafikiwa na umeme huwenda wakasahau giza mara baada ya Rais wa Marekani
bwana Barack Obama kutembelea hapa nchini kwa ziara ya siku mbili.
Akizindua mradi mkubwa
wa umeme katika kituo cha kufua umeme cha Ubungo ambapo Mitambo ya Symbion
inapatikana Rais Obama amesema Marekani itawezesha upatikanaji wa umeme kwa
kila mtanzania akiwa katika makazi yake au nyumbani kwake.
“Tutawezesha kuwepo
kwa umeme wa uhakika angalau kila mtanzania aweze kutumia umeme katika kila shugulizake
na anapo kuwa nyumbani ilikuweza kupata maendeleo ya haraka na kukuza uchumi”
Alisema Obama.
Obama alisisitiza kuwa “African countries should be Donors,
not to receive all the time” Ni lazima waafrika wawe wawezeshaji wao wenyewe na
sio kuwa wapokeaji kila wakati. Alisema.
Serikali ya Marekani imetoa Dola Bilioni 7, huku
Dola Bilioni 9 zikipatikana kutoka katika sekta binafsi nchini humo ili kuweza
kutekeleza mpango wa umeme kwa nchi za Afrika.
Pia Marekani itaisaidia Tanzania katika vipaumbele
vya Umeme wa uhakika, Miundo mbinu ya barabara, Maji, Elimu na kuwainua Vijana
ambapo kila mwaka kutakuwa na vijana kadhaa watakao hudhuria masomo nchini
marekani.
Kwa sasa Tanzania inazalisha megawati 1438.24 ikiwa na malengo
ya kuzalisha megawati 2780 mpaka 3000 ifikapo mwaka 2015.
Naye Waziri wa Nishati na Madini wa Tanzania, Prof
Sospeter Muhongo ameeleza kuwa mpango huu umekuja wakati muafa ambao utasaidia
miradi mikubwa ya umeme kuendelea hapa nchini.
“Sera ya marekani ya kufikisha umeme
itapunguza umasikini na tumekuwa na neema miongoni mwa nchi chache zilizo
baatika kupewa fursa hii”Alisema.
Mpango huo wa umeme utahusisha nchi 7 ambazo
ni Tanzania, Kenya, Senegal, Msumbiji, Liberia, Ethiopia na Nigeria.
EmoticonEmoticon